ငလျင်လှုပ်တဲ့အခါ အမှန်တကယ် လုပ်ဆောင်သင့်တဲ့ အနေအထား

Text size

လူသိများတဲ့ တြိဂံပုံအနေအထား (Triangle of Life) ဟာ ငလျင်လှုပ်တဲ့အခါ ဘေးကင်းစေတဲ့ အနေအထားတစ်ခုလား . . . ? ဒီမေးခွန်းကို ဖြေဖို့ရာ ငလျင်လှုပ်ရာ နိုင်ငံ ဒါမှမဟုတ် နေရာဒေသအပေါ် မူတည်ပါတယ်။ ဘာကြောင့်ပါလဲ . . . TOL ဟာ ဖွံဖြိုးပြီး နိုင်ငံတွေရဲ့ အဆောက်အအုံအရည်အသွေးအာမခံချက်ကြောင့် ဒဏ်ကို အတိုင်းအတာတစ်ခုထိ ခံနိုင်စေနိုင်ပေမဲ့ အာမခံချက်ရှိတဲ့ ဒီလို ဒေသတွေမှာတောင့် ဒီအနေအထားက လူအများကို အရေအတွက်တစ်ခုအထိ ဘေးမကင်းစေခဲ့တာတော့ အမှန်ပါ။ ဒီတော့ TOL က ကိုယ့်ကို ငလျင်ဒဏ်ကနေ ဘေးကင်းစေမလား၊ မကင်းစေဘူးလား ဆိုတာ ကျပန်းဆန်လွန်းနေပါတယ်။ ဒါကြောင့် ငလျင်လှုပ်တဲ့အခါ ဘယ်လို အနေအထားနဲ့ ရှိနေတာက အကောင်းဆုံး ဖြစ်စေမလဲ ဆိုတာကို သိထားတာက အသက်အန္တရာယ်ကို ပိုပြီး ဘေးကင်းစေနိုင်ပါတယ်။

၁။ ထိုင်လိုက်ပါ
— လက်နဲ့ ဒူးကို ကြမ်းပြင်ပေါ် ထောက်ချလိုက်ပြီး ချက်ချင်း လေးဘက်ထောက်ထိုင်လိုက်ပါ။
— ဒီအနေအထားက လူကို လဲမကျသွားအောင် ကူညီပေးပြီး အနီးနားမှာ ခိုလှုံစရာတစ်ခုခု ရှိရင် လက်နဲ့ ပခုံးကို အားပြုပြီး ရွှေ့သွားစေနိုင်ပါတယ်။

၂။ အကာအကွယ်ယူပါ
— လက်တစ်ဖက်ကို ဦးခေါင်းနဲ့ လည်ပင်းတစ်ဝိုက် ကာပေးထားပါ။
— အနီးတစ်ဝိုက်မှာ ခိုင်ခံ့တဲ့ စားပွဲ ဒါမှမဟုတ် စာရေးခုံတစ်ခုခု ရှိရင် အဲဒီအောက်ကို ဝင်လိုက်ပါ။
— ဒီလိုနေရာမျိုး မရှိရင် ပြတင်းပေါက်ဘက်နဲ့ ဝေးတဲ့ အိမ်တွင်းနံရံဘက်ကို ရွှေ့သွားပါ။
— ဒူးထောက်ထားပြီး ခန္ဓာကိုယ်ရဲ့ အရေးအကြီးဆုံး အစိတ်အပိုင်းတွေကို အကာအကွယ်ပေးနိုင်ဖို့ ခန္ဓာကိုယ်ကို ကွေးညွှတ်ထားပါ။
— Fetal position (သန္ဓေသားအနေအထား) ဆိုတာ ဒူးကွေးပြီး ခန္ဓာကိုယ်ကို ခြုံကိုင်ထားတဲ့ အနေအထား ဖြစ်ပါတယ်။ ကြမ်းပြင်ပေါ်မှာ ဒူးနှစ်ဖက်ကွေးထိုင်ပါ။ ဦးခေါင်းကို လက်နှစ်ဖက်နဲ့ အုပ်ပြီး ဒူးကြားထဲ ထည့်ထားပါ။ ခြေဖဝါးနဲ့ လက်ကို ကိုယ်နဲ့ ကပ်ထားပါ။
— အပြင်ဘက်နံရံတွေက ပြိုကျနိုင်ခြေပိုများပြီး ဖန်ပြတင်းတွေ ဖြစ်နေတဲ့အခါ ဖန်ကွဲစတွေက အန္တရာယ် ဖြစ်စေပါတယ်။

၃။ မြဲမြဲ ကိုင်ထားပါ
— ငလျင်ကြောင့် တုန်ခါနေတာတွေ ရပ်သွားတဲ့အထိ မြဲမြဲ ကိုင်ထားပါ။
— အကာအကွယ်တစ်ခုခုအောက်မှာ ရှိနေရင် အဲဒီအကာအကွယ်ရဲ့ တစ်နေရာကို လွှတ်ထွက်မသွားအောင် လက်တစ်ဖက်နဲ့ သေချာ ကြိုးစားဆုပ်ကိုင်ထားပါ။
— အကာအကွယ် ရွေ့သွားတဲ့အခါ လိုက်ရွေ့နိုင်အောင် အသင့်အနေအထား ရှိနေပါ။
— အကာအကွယ် မရှိနေတဲ့အခါ ဦးခေါက်းနဲ့ လည်ပင်းကို လက်နှစ်ဖက်နဲ့ ကာပေးထားပါ။

၄။ အထူးအခြေအနေများ
— အိပ်ရာထဲမှာ ရှိနေရင် ဦးခေါင်းကို ခေါင်းအုံးနဲ့ ကာထားပြီး အိပ်ရာထဲမှာပဲ ဆက်နေပါ။
— အုတ်နံရံအဆောက်အဦးရှိတဲ့ အိမ်တွေမှာ၊ အထူးသဖြင့် အောက်ထပ်မှာ လေးလံထူထဲတဲ့ မျက်နှာကျက်မျိုး ရှိနေရင် အိမ်အပြင်ဘက်ကို အမြန်ဆုံး ပြေးထွက်ပါ။

၅။ ငလျင်လှုပ်နေချိန်မှာ မလုပ်သင့်တဲ့ အပြုအမူတွေ
— အပြင်ဘက်နံရံတွေ ဒါမှမဟုတ် အခြားအခန်းတွေဘက်ကို ပြေးမသွား၊ ကူးမသွားသင့်ပါ။
— တံခါးတွေ၊ လှေကားတွေ၊ လှေကားခုံတွေအောက်ကို ပြေးမသွားသင့်ပါ။ ပြုတ်ကျလာမဲ့ အရာတွေကနေ အခြားနေရာများနည်းတူ ထူးပြီး ကာကွယ်မပေးနိုင်ပါ။
— တြိဂံအနေအထား (Triangle of Life) နည်းကို တတ်နိုင်သမျှ မသုံးသင့်ပါ။ အဆောက်အဦးအားလုံး ပြိုကျပြီး ရှိရှိသမျှ ပရိဘောဂပစ္စည်းအားလုံး ပျက်စီးသွားမယ် ဆိုတဲ့ အယူအဆအမှားအပေါ်မှာ အခြေခံထားတဲ့ ပုံစံပါ။ အထူးသဖြင့် အဆောက်အအုံအရည်အသွေးအာမခံချက်နည်းတဲ့ မြန်မာနိုင်ငံမှာ အသုံးတည့်ဖို့ဆိုတာ အတော်ကြီး ခဲယဉ်းပါတယ်။

အသိအမှားတွေကြောင့် အသက်အန္တရာယ်ဆုံးရှုံးမှုတွေ မများရလေအောင် မိသားစုနဲ့ အသိမိတ်ဆွေတွေကို မျှဝေအသိပေးပြီး ပြင်ဆင်ထားတာ အကောင်းဆုံး ဖြစ်ပါလိမ့်မယ်။ ။

Htet Phone Shein 5 articles

Htet Phone Shein is a Bangkok-based writer, poet, and literary translator with a deep commitment to the craft of language — both in the making of original work and in the faithful rendering of others'. He served as Final-review Editor at Fact Hub Myanmar, where he set and upheld the editorial standards that defined the publication's voice and rigour. He is currently studying British and American Studies at Thammasat University's Faculty of Liberal Arts, alongside a degree in Business Administration at the University of the People. With a foundation in Myanmar Literature and Linguistics from Mandalay University and further studies at Uppsala University's Department of English, his literary sensibility is shaped by both tradition and cross-cultural exposure. He is the author of three novels — Lost Love Floating in the Sea, Moon's Footmark, and You I've Never Seen, I I've Never Seen — and has translated six books into Burmese, including works by Zen philosopher Thich Nhat Hanh, The Four Agreements, and Steal Like An Artist. His critical essays, among them a close reading of Yay Aye's short story Bonsai, reflect his sustained interest in how literature builds meaning across culture and community. His forthcoming poetry collection, The Bridge, marks his next step as a poet. When he isn't writing or translating, he runs and reads — and those who work with him will tell you he gets things done, quietly and on his own terms.

Article Credits

Written by Htet Phone Shein

Managing Editor Fact Hub Editorial

သိပ္ပံကို သင်ချစ်ပါသလား?