ခရစ်ယာန်ဘာသာရဲ့ သမ္မာကျမ်းစာထဲက ဖော်ပြချက်အရ ဘုရားသခင်ဟာ ကမ္ဘာဦးလူသား အာဒမ်ရဲ့ နံရိုးတစ်ချောင်းကို ယူပြီး ဧဝကို ဖန်ဆင်းခဲ့ပါတယ်။ ဒီအဆိုပေါ် မူတည်ပြီး ဘာသာရေးလိုက်စားသူ အများစုက ယုံကြည်ကြတာက အမျိုးသမီးတွေက အမျိုးသားတွေထက် နံရိုးတစ်ချောင်း အပိုပါတယ်ဆိုပြီးပါ။ ဒီအဆိုပြုချက် တကယ် ဟုတ်၊ မဟုတ် Facthub က ပုံမှန်တင်ဆက်နေကျ ယုံတမ်းအချက်အလက်စစ်ဆေးမှု ဆောင်းပါးမှာ လေ့လာကြည့်ကြစို့။ အဖြေဆီ တိုက်ရိုက်သွားရရင်တော့ ဒီအဆိုပြုချက်က ဘာသာရေးအယူအဆတွေပေါ် အခြေခံထားတဲ့ ယုံတမ်းဒဏ္ဍာရီတစ်ရပ်သာသာပါ။ သက်သေမပြနိုင်သလို သိပ္ပံနည်းကျ မှန်ကန်ကြောင်း အတည်ပြုထားနိုင်တဲ့ လူ့ခန္ဓာကိုယ်ဖွဲ့စည်းပုံစနစ်နဲ့လဲ ညီညွတ်မှု မရှိ၊ သွေဖည်မှားယွင်းနေပါတယ်။ ဒါဆို လူသားတွေမှာ နံရိုး ဘယ်နှချောင်း ရှိတာလဲ . . .? အများစုက နံရိုး ၁၂ စုံစီနဲ့ စုစုပေါင်း ၂၄ ချောင်းစီ ရှိပါတယ်။ အမျိုးသားရော၊ အမျိုးသမီးရော အတူတူပါပဲ။ ဒါပေမဲ့ မျိုးရိုးဗီဇချို့ယွင်းမှုကြောင့် နံရိုးအပိုပါသူတွေနဲ့ နံရိုးအပြည့်မပါလာသူတွေလဲ ရှိပါတယ်။ အဲဒီထဲမှာ “Cervical rib” အမည်ရ ဗီဇပြောင်းလဲမှု (Genetic mutation) တစ်မျိုးကြောင့် လည်ပင်းအောက်ခြေနဲ့ ညှပ်ရိုး (Collarbone) ကြားမှာ နံရိုးအပိုတစ်ချောင်း ဒါမှမဟုတ် နှစ်ချောင်း ပါလာတာမျိုး ဖြစ်တတ်တာပါ။ တစ်ဖက်တည်းမှာပဲ အပိုပါလာတာမျိုး ဖြစ်တတ်သလို နှစ်ဖက်စလုံးမှာ ‘စုံ’ ပါလာတာမျိုးလဲ ဖြစ်တတ်ပါတယ်။ ဒီနံရိုးတွေက အရိုးအဖြစ် အပြည့်အဝဖွံ့ဖြိုးသွားတတ်သလို တစ်ရှူးဖိုက်ဘာချောင်းတွေအနေနဲ့ ကျန်ခဲ့နိုင်တာပါ။ ဒါပေမဲ့ ဘယ်လိုအခြေအနေ ရှိရှိ၊ ဒီလိုချို့ယွင်းချက်မျိုးက ကျား/မ မရွေးမှာ ဖြစ်နိုင်ပါတယ်။ နောက် ဒေါင်းဆိုင်ဒရုမ်း (Down syndrome) ရောဂါခံစားနေရသူတွေမှာလဲ နံရိုးပမာဏ အပြောင်းအလဲ ရှိတတ်တာပါ။ ဒေါင်းဆိုင်ဒရုမ်းက ခရိုမိုဆုမ်း မူမမှန်မှုကြောင့် ဖြစ်လာတဲ့ ရောဂါတစ်မျိုးမို့ မျိုးရိုးဗီဇပြောင်းလဲတာမျိုး ရှိပါတယ်။ ဒါကြောင့် ဒေါင်းဆိုင်ဒရုမ်းသမားတွေမှာ တစ်ခါတလေ နံရိုးအပိုတစ်ချောင်း ပါလာတာမျိုးနဲ့ ၁၂ ခုမြောက်နံရိုး ပျောက်ဆုံးနေတာမျိုး ဖြစ်တတ်တာပါ။ ဒေါင်းဆိုင်ဒရုမ်း ရောဂါသည်တိုင်းတော့ အဲဒီလို ဖြစ်နေတာမျိုး မဟုတ်ပါဘူး။ တွေ့ရရှားတဲ့ နံရိုးအချင်းချင်း ပေါင်းနေတာ၊ အစုံလိုက်ပျောက်နေတာမျိုးနဲ့ နေရာလွဲနေတာမျိုးဆိုရင်လဲ ဖွံ့ဖြိုးမှုပိုင်းချို့ယွင်းနေသူ တချို့မှာ ကျား/မ မရွေး ဖြစ်ကြပါတယ်။ နမူနာပြောရရင် Spondylocostal dysplasia နဲ့ Goldenhar syndrome တို့လိုပါ။ချုပ်ပြောရရင်တော့ အာဒမ်နဲ့ ဧဝရဲ့ သမ္မာကျမ်းစာဇာတ်လမ်းက ခန္ဓာဗေဒနဲ့ ပတ်သက်လို့ နီးနီးစပ်စပ် မရှိသူတွေအပေါ် အမျိုးသမီးတွေဟာ အမျိုးသမီးတွေထက် နံရိုးအပိုပါတယ်ဆိုတဲ့ သိပ္ပံယောင် အယူအဆမှားတွေ စွဲထင်ကိန်းဝပ်စေပါတယ်။ တကယ်တော့ လုံးလုံးကြီး မှားယွင်းနေတာပါ။ သာမန်အခြေအနေနဲ့ မွေးဖွားလာသမျှ လူတိုင်းမှာ နံရိုးစုစုပေါင်း ၁၂ စုံ သေချာပေါက် ပါဝင်ပြီးဖြစ်သလို အဲဒီပမာဏကလဲ ကျား၊ မ ဖြစ်တည်မှုပေါ်လိုက်လို့ ကွဲပြားသွားတာမျိုး မရှိပါဘူး။
The Fact Hub Editorial is the collective voice of our dedicated team of writers, fact-checkers, and editors. We work collaboratively behind the scenes to bring you accurate, well-researched, and accessible articles—from demystifying complex science to delivering the latest insights you can trust.
Article Credits
ငှက်တွေ အုပ်စုဖွဲ့ပျံသန်းတယ်ဆိုတာ ဆင့်ကဲပြောင်းလဲမှုကြောင့် ဖြစ်လာတဲ့ ပုံမှန်အပြုအမူတွေပါ။ ဒီကနေ ဘယ်လိုအကျိုးကျေးဇူးတွေ ရလဲဆိုရင် . . . — အမဲလိုက် သားရဲတိရစ္ဆာန်တွေကို ဝေခွဲမရ ဖြစ်စေတယ် (အုပ်စုဖွဲ့ပြီး ပျံသန်းနေကြတာ ဖြစ်လို့ ဘယ်ငှက်ကို ပစ်မှတ်ထားရမလဲ ဆိုတာက သားရဲတစ်ကောင်ရဲ့ စိတ်ကို ဝေဝါးစေပါတယ်)။ — အစာရင်းမြစ်တည်ရှိရာကို အချင်းချင်း…
မြန်မာကုန်းတွင်းပိုင်းထဲကို လာမဲ့ ဧပြီ ပထမပတ်ဝန်းကျင်မှာ မုန်တိုင်းဝင်မယ်လို့ လူမှုကွန်ယက်စာမျက်နှာပေါင်းစုံကနေ မျှဝေနေကြပါတယ်။ ဒီမျှဝေချက်က အပြည့်အဝ မမှန်ကန်တဲ့အပြင် မိုးလေဝသခန့်မှန်းချက်တွေကို မှားယွင်းကောက်ချက်ချရင်း အထင်အမြင်လွဲမှားမှုတွေ ဖြစ်ပေါ်နေတာပါ။ လက်ရှိအချိန်ထိ လေဖိအားနည်းရပ်ဝန်းတောင် ပေါ်ပေါက်နိုင်ခြေ မြင့်တယ်လို့ပဲ ခန့်မှန်းနေကြဆဲ ဖြစ်ပြီး မုန်တိုင်းတစ်ရပ်အသွင်ပြောင်းသွားဖို့၊ မုန်တိုင်းဖြစ်ပေါ်ရင်တောင် အင်အားပြင်းဖို့၊ မြန်မာကုန်းတွင်းပိုင်းထဲကို ဝင်ဖို့ ဆိုတာက တပ်အပ်ပြောမရသေးတဲ့ အခြေအနေပါ။…
ငလျင်တွေကို အမျိုးအစား သုံးမျိုးခွဲလေ့ရှိပါတယ်။ အဓိကငလျင်ကြီး မဖြစ်ခင် လှုပ်တတ်တဲ့ “ရှေ့ပြေးငလျင်” (foreshock)၊ အဖျက်အားအပြင်းဆုံး “အဓိကငလျင်” (mainshock)၊ နဲ့ အဲဒီနောက် ဆက်လှုပ်တတ်တဲ့ “နောက်ဆက်တွဲငလျင်” (aftershock) တို့ပါ။ ဒါပေမယ့် ငလျင်တစ်ခုက ဘယ်အမျိုးအစားဖြစ်မယ်ဆိုတာ ကြိုတင်ခန့်မှန်းဖို့ ခက်ခဲပါတယ်။ ငလျင်ဘယ်အချိန် ဘယ်နေရာမှာ လှုပ်မယ်ဆိုတာကို တိတိကျကျ ကြိုခန့်မှန်းနိုင်တဲ့ နည်းပညာလဲ…
